Artistari buruz

Juan Luis Goenaga 1950ean jaio zen. Ikasketak amaitu ostean, era autodidaktan margolanak eta pinturak sortzen hasi zen. 70eko hamarkadan Europan zehar bidaiatu zuen eta momentuko korronte artistikoekin kontaktatu zuen. Gipuzkoara itzultzean euskal historia eta kultura herrikoiagatik interesatu zen, hauek izanez bere ekoizpenen ardatza. Italiara bidaiatu ostean, antzinako maisuak ezagutzeko asmoarekin, aro berri bat hasi zuen bere ibilbidean non magia, surrealismoa eta abstrakzioa batu zituen.

Bere artelanen egiturari zegokionez, naturaren behaketan eta honetatik hartutako gaietan zatzan, tonalitate okreak eta materia eta enpaste handiak nagusi izanik. Hala ere, 80eko hamarkadan gizakiaren irudia erantsi zuen bere lanetan kolorez beteriko ingurune hiritarretan. Hamarkada horretan Alemaniara bidaia ugari egin zituen. Bertan jasotako eraginetik, espresionismoa bereganatzen du bere lanetara, materia biolentzia eta keinu-marrazketa bizitsuz banatuz.

1987an Eusko Jaurlaritzako Gure Artea saria irabazi zuen. Ondoren, Parisera bizitzera joan zen hilabete batzuez. Bien bitartean material ezberdinekin (sareak, plastikoak, erretxinak…)
esperimentatzen hasi zen eta edonolako objektuak eta elementuak sartzen hasi zen bere artelanetan, zuzeneko harremana bilatuz inguru, bizitza eta organikoan.

90eko hamarkadak bere jatorrira itzultzea suposatzen du, alor primitiboenera. Hurrenez hurrengo pintura ilunezko geruza asko banatzen ditu protagonismo nabarmeneko harrizko egitura sortu arte.

Juan Luis Goenagan pedagogia artistikoagatik interes haundia erakutsi izan du beti, bide batez 1993. urtean Arteleku-n pintura tailerra emanez. Baita 2003an Fundación Bilbao Arte-n eta
Sala Kubo Kurtsal-en.

Abstrakziotik irudipenera dijoan bere azkenaldiko sorkuntzan, tonalitate ilunak baztertzen ditu, materia karga handiko urdin, gorri eta berde argien alde.

Iturria: Arteder, Euskal Artea Datu Basea. Bilboko Arte Ederren Museoa